Advertisement

【調教你MIRROR】MIRROR成員彼此懷疑 Anson Lo被指洩行蹤引私追

本地
2021.06.12

screenshot-2021-06-12-at-2-46-42-am

ViuTV節目《調教你MIRROR》今晚(11日)播出第5集,下半集講述鏡粉到梅窩「私追」事件。節目中見有大批粉絲湧至梅窩,12子在步行往食肆途中,有不少粉絲沿路追隨,導師梁祖堯指粉絲避無可避,但阻礙了拍攝進度,原本計劃好的環節亦要告吹,「我覺得好可惜,因為我哋設計咗一啲Item,例如喺街寫生或者去睇牛之類,我哋知道已經冇可能做到。」他表示MIRROR在粉絲包圍下,各成員未能自如傾談,「呢個節目每一刻講嘅所有嘢,都有一個鏡頭影住,記錄晒佢。原本想喺街做正常拍攝,諗都唔好諗!喺街度行吓、傾偈,係做唔到,冇辦法真正傾偈,佢哋有咩私隱可以講?淨係可以返去綜藝mode!」

screenshot-2021-06-12-at-2-52-30-am

MIRROR成員坦言粉絲私追對他們造成困擾,也指花姐不希望他們勸走粉絲,要由經理人代為出面,Lokman則表示遇到相同情況,隊員其實可以主動呼籲粉絲合作,因為他們開口作勸喻,總比經理人出面奏效;Edan就覺得開口尷尬,Lokman續說:「我覺得唔係尷尬,而家係工作,『你影響到我,點解唔晏啲先講?』」

screenshot-2021-06-12-at-3-41-44-am


姜濤亦希望由他們自己親自開口,「我覺得我哋都要講,都有呢個責任……某啲場合真係唔鍾意咁,希望大家唔好再令我難做。其實我私底下講過好多次,大家各自喺我身邊影相時都講過,希望大家睇完呢一part,將心比心,屋企人係咁教我,咁就唔會做呢個行為。」他直言有些私追行為真的不能接受,「有啲試過住我哋隔籬房,真係太誇張。希望大家唔好再令我難做啦。」姜濤又稱:「希望大家識得分場合,如果大家真係聽到我心聲,care吓我感受、我身邊人感受。如果大家明白呢個道理,就自然唔做呢件事。」


姜濤希望鏡粉將心比心

至於Anson Lo提到被團員懷疑洩露行蹤引鏡粉私追,「我唔係怕私追或者影相同簽名,我係怕身邊啲人點諗,怕你哋會點諗,會唔會覺得係我叫佢哋嚟,因為近兩年我哋都有好多洩漏消息嘅事,好多聲音嘅矛頭都係指向我,但我真的沒做過。」

Anson Lo否認向粉絲洩露行蹤


12子一字排開呼籲鏡粉合作


點擊睇MIRROR體能訓練相:

圖片來源:ViuTV

星級企業大獎2020 聲夢傳奇 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹