CY 陳澤言跟關心妍Jade學唱歌已一段時間，兩人繼Music panda 節目中合作之後，終於師生合唱，與Jade Featuring 新歌《腍》的Acoustic版本於今日派台。
《腍》自推出後外界反應都相當熱烈，促成今次合唱版的誕生。當CY接到這個邀請時，坦言受寵若驚，「真係無諗過會得到Jade邀請，尤其之前無試過同人合唱，覺得好神奇！但同時都有壓力，不過依然好開心好興奮！」Jade就大讚學生，更因為上次合作過之後，非常欣賞CY的唱功，一想到做合唱版，就馬上想起他，「CY真係唱家班，我呢首歌唔易唱，佢入到錄音室都要練，但係佢好快pick up 到，原來隻歌比較適合男仔唱，佢唱得好好。」
被前輩讚賞，CY開心之餘也謙虛，「唔好咁講啦，我覺得自己無Jade唱得好，我唱到好哽耳就真。不過今次真係一個好好學習機會。」未來CY正式踏入樂壇，繼續向唱歌事業發展，正緊密籌備個人第一首新歌，而派台「處男作」就給了Jade，正好為他打了下一支「強心針」打打氣。
至於Jade就透露已經入紙紅館，希望明年於紅館舉行第三次個唱，「對上一次紅館演唱會係十年前，下年都係我入行二十周年，所以希望今次入紙成功，可以同班樂迷見下面之餘都好有意義，我自己都好期待！到時請埋CY來做嘉賓，一齊再合唱！」CY聞言即開心表示，「好呀，我正想問，請唔請我一齊唱呀。」
《腍》這首歌講述一個女子被另一半傷害後非常想報復，但最終都因為腍善而沒有實行。Jade坦言，錄音時自己已經很投入，因為自己有過相似經歷，她就如歌中女主角一樣想過大鬧婚宴，但最終因為自己腍善，不敢反抗而不了了之。