Advertisement

蔡少芬46歲生日  張晉送46枝玫瑰冧愛妻

本地
2019.09.18

screen-shot-2019-09-18-at-2-39-51-pm

昨日(17日)是蔡少芬(Ada)46歲生辰,適逢所屬經理人公司新辦公室開幕日,旗下一眾藝人包括Ada老公張晉、朱茵、鄧麗欣(Stephy)、原子鏸、歐倩怡以及戚其義等,齊齊為壽星女 Ada慶生。腹大便便的Ada人逢喜事精神爽,以一襲白色連身裙到場,神采飛揚。

screen-shot-2019-09-18-at-2-39-59-pm

而張晉亦趁機為老婆送上驚喜,他特別準備了一束46枝玫瑰和粉紅蛋糕,還親手撰寫生日卡,氹得愛妻十分開心,Ada更情不自禁向老公送吻,羨煞旁人!Ada笑言:「佢記得我生日,仲準備咁大束花,已經好開心!」

screen-shot-2019-09-18-at-2-40-24-pm

問到老公可有送禮物給她?她表示:「對上一次收禮物已經係聖誕節,當時佢送咗個手袋俾我,其實好感恩,我哋兩個都冇乜物質缺乏,買禮物都係為咗氹吓對方,佢仲話我今年都冇送生日禮物俾佢。」提到生日願望,她表示最重要是平平安安地誕下健康寶寶。

screen-shot-2019-09-18-at-2-40-43-pm

Ada透露生日當晚與老公食飯共度二人世界:「噚晚有朋友送咗一間酒店房俾我哋,所以我要撇低兩個女,好好去享受,佢哋朝早已經同我講咗生日快樂,仲叫我玩得開心啲。佢哋兩、三個星期前已經送咗生日禮物俾我,佢哋將自己鍾意嘅玩具放落鞋盒送俾我,不過轉個頭就攞走晒。」

screen-shot-2019-09-18-at-2-40-32-pm

而席上的朱茵就祝賀Ada成為「多產」藝人,希望她再生多個,Ada笑言:「啋過你!呢啲『多產』我唔要,工作嗰啲『多產』我就要。同朱茵大家咁話,叫佢追多個先,而 Stephy 就快啲結婚啦!我就夠喇,冇手再抱,我老公要留番一隻手攬我,所以我『封肚』,生埋呢個夠晒數。」

screen-shot-2019-09-18-at-2-39-37-pm

MIRROR 聲夢傳奇 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹