《延禧攻略》皇后秦嵐南巡到香港，fans處處，大家都追住皇后影相，不過，秦嵐都會追星，追邊個？咪係周慧敏囉！
由於秦嵐同古巨基在《還珠珠格格3之天上人間》合作，秦嵐演知畫，古巨基係五阿哥，二人情誼早種，今次秦嵐來到香港，古巨基除咗接風，仲俾咗個驚喜佢，原來秦嵐好鍾意周慧敏，古巨基就叫咗好朋友周慧敏出來gathering，秦嵐一見到就大讚她：「我跟朋友都問，你怎麼可以保持得這麼好？臉貌沒變，我們都想向你學習。」而周慧敏亦說這陣子也追看《延禧攻略》，說皇后演得真好，「我身邊朋友都有看劇，你演得真好，我代表香港送愛給你。」秦嵐聽到好開心，古巨基更叫她即場唱周慧敏嘅《自作多情》，最後只係唱咗一句咁多啫！
圖片來源：秦嵐@微博