ViuTV全新劇集《VR驅魔人》將於下周一（3月26日）十時正播出，預告片段和演員卡士陣容亦相繼曝光，而唔夠兩分鐘嘅短片透露咗劇集內容將會集驅魔、恐怖、搞笑於一身。
根據媒體報道，王貽興今次為咗《VR驅魔人》碌爆人情卡，所以邀請到唔少好戲之人傾力演出，當中包括葛民輝、詹瑞文、劉浩龍、錢小豪、鄧月平、吳浩康、陳國邦、羅敏莊、樓南光、余慕蓮、E-Kids、顔國樑等人，真係多到十隻手指都數唔晒。對於一眾葛迷嚟講，佢嚟特別期待睇到阿葛嘅演出，事關葛民輝近年好少出現喺公仔箱，就算會係電影出現主要都只係做客串角色。而今次佢就會喺《VR驅魔人》嘅第一單元《舅父》中粉墨登場，仲要着住粉紅睡衣大玩性感誘惑添！
阿葛着住睡衣粉墨登場，未睇片都知有笑料
睇劇照都聞到陣cult 味
王貽興於《VR驅魔人》劇中與劉翁飾演志同道合的好朋友，Sunny（劉翁飾演）渴望當導演，阿黃（王貽興飾演）的夢想是當編劇，二人人到中年，忽然重拾遺忘了的夢想，最終苦心籌備以現今流行的VR虛擬技術，來拍全亞洲第一套鬼片，可惜一個又一個監製或者金主都不感興趣。後來兩人靈機一觸，研發驅魔捉鬼的VR App，利用VR技術替人驅魔捉鬼，籌備資金開戲。阿黃和Sunny於驅鬼期間，遇到不同的人和事，到底二人最終能夠成功追夢，還是到頭來只是一場遊戲一場夢？
呢個頭盔唔通係向星爺「飛行號」致敬
意味住會有男男激吻場面！？
圖片授權：ViuTV
影片授權：ViuTV