由風車草劇團主辦，梁祖堯、湯駿業、邵美君、趙學而及Jace陳凱詠主演，一連21場的《隔離童話集》於昨晚圓滿結束。經歷了颱風襲港及替補演員上陣等波折，令眾演員經歷了有驚無險的一次演出體驗。
除了趙學而及Jace參與這次音樂劇演出外，另一個帶給觀眾一大驚喜，就是找來了譚玉瑛姐姐參與演出，湯駿業十分感謝對方參與，他說：「我飾演嘅陳大文係一個成長入面走咗歪路嘅人，慢慢變咗一個好乞人憎好Mean嘅人都唔知。要可以勾返起大家童真，就要搵一個人所共知嘅象徵，所以想到譚玉瑛姐姐。佢都係我哋成長嘅年代，睇住我哋大嘅一個好特別嘅前輩，所以搵咗佢。搵佢都係膽粗粗問Friend攞咗電話，然後佢二話不說話：『好呀！玩呀！』所以係好感動。成個過程譚玉瑛姐姐都超級專業，一埋位已經背好晒劇本，我喺演嘅時候見到真人，令我更加知道角色點做，因為見到真正嘅譚玉瑛姐姐，諗返起我嘅成長，到而家經歷咁多事，變成今天嘅自己。」
