容祖兒（Joey）合共34場在演藝學院舉行的個唱，昨天（27日）圓滿結束。完成演唱會後，祖兒在限時動態答謝樂迷的到來，其中她在IG貼出欣宜送贈的花籃，上面寫有一大段祝福，好Sweet！
花籃上欣宜寫上：「記得出人生第一張碟時，簽咗張送俾祖祖你。嗰時寫話細個時，媽媽話大個咗一定要學祖兒姐姐咁勤力，到依家我都仲學緊！好想好想好想可以親自嚟睇，可惜錯過了今次機會，唔緊要，唯（惟）有等下一次！Love Always Joyce（欣宜）。」祖兒亦在貼文寫上：「Thank u my sweetheart，慢慢來，我地（哋）等你！」
欣宜自從紅館個唱後，潛水數月，身心健康狀況備受外界關注，她的經理人林姍姍回應傳媒時指「Joyce的確係病咗，療傷之中」，其髮型師好友Benjamin上月在ig上載一段欣宜自彈自唱《有天我會好》的片段，亦有內地旅客在西環撞見清減了不少的欣宜。