謝安琪、葉璇、余安安、陳靜、賈曉晨、關智斌、劉浩龍等今日出席Viutv原創劇《法與情》開鏡拜神，劇中賈曉晨與關智斌有不少牀戲，JJ笑言冇經驗，身邊的關智斌即安慰叫放心，自言拍牀戲好有經驗，JJ表示接劇時未知有牀戲，「新聞出咗，全世界都知道我哋有牀戲，唔使同老公講佢都知，老公都講笑話點解會接拍，搞到我好有壓力，始終我無咩經驗，不過導演話唔使擔心，電視尺度唔會太過份。」
葉璇今次於劇中扮純情，飾演零拍拖經驗的中女，同樣與關智斌發生姊弟戀而被騙財，她表示四年沒在香港拍劇，但因之前曾與導演合作過，加上角色很有挑戰才接拍。近年將工作重心轉往內地的她，除了演出話劇、參加綜藝節目之外，更不時直播帶貨，早前於直播時更做出撩牙的動作，完全沒有打扮就出鏡，甚至身穿保暖內衣示人，令腰間的贅肉盡現人露「大媽味」，不顧形象，與過往熒幕上光鮮亮麗完全不同，但今日真人卻零走樣，她說：「我向來都無特別去keep過，之前直播因為都是扮演角色，扮肥扮醜，扮老扮嫩，都只係扮出嚟，就連士啤呔都係裝出嚟，做演員就係咁，所以我唔介意俾人寫，俾人講咪即係代表演得似，成功囉，唔講就無話題喇！」
