何太偷步直播2粒鐘疑賺過萬課金　孖何伯咀嘴自爆房事：佢一晚5次

何太話老公濕吻證明真愛。

預告周三（29日）晚上10時在抖音直播的《東張西望》「新何太」，昨日（26日）傍晚突然與何伯外出吃飯時來個偷步直播，還在鏡頭前咀嘴，更大爆何伯「一晚5次」！一場2小時直播，有網民指何太已賺過萬元課金。

何伯何太因上《東張》申訴被何伯5名子女取走$450萬積蓄爆紅。

何太邊食邊直播，期間有人忽然認出他們，何太笑指對方：「你依家先發現我哋！」然後自豪說：「頭先洗手間出嚟，Fans認到我哋又要同佢哋影相。」被網民指她厚臉皮，何太表示：「唔緊要啦，乜都好，總之我同老公走返啱嘅路，永不放棄，撐到底。」她反駁網民指若$450萬到手就會走，說：「就算窮到燶都會陪佢一世㗎！」重申大家不了解實情：「如果老公嗰$450萬真係攞返嚟交俾我打理，我肯定好努力，將$450萬變成$4,500萬，變成$5億，變成$50個億都有，我個目標係要搵夠$1萬億㗎！」

何太上節目炫富。

再提生育問題，何太直言：「我一早想同老公生個BB㗎啦。」隨後更大爆房事說：「佢啊，一晚5次㗎，哈！」再回應被指臉皮厚，今次何太直認：「如果我臉皮唔厚，俾你哋咁攻擊法，點頂得順啊！」

何太同老公在抖音露真面目，還大爆房事。

直播結束前，何太笑向鏡頭說：「頭先有Fans話我哋要整個濕吻俾你啊，先信我哋真愛。」這時何伯已入鏡準備行動，當何太示意：「嗱老公…」何伯與何太即嘴對嘴錫錫，甜吻後何太更冧笑了幾聲，之後再咀多一次，何太更澄清何伯沒有老人味：「佢連一啲口氣都冇。」

何太話老公冇老人味。