譚仔米線創辦人的媳婦，28歲名媛蔡天鳳(Abby)肢解烹屍案，事件轟動全城。
慘絕人寰的肢解烹屍案發展至今，譚家一直低調，Abby生前好友英皇前歌手周英杰(現名清晞誦)成為與傳媒溝通的橋樑，周英杰解釋：「Chris(譚仔少爺)心情好差，唔想講太多，所以我做了這個中間人。」而本周二，譚家已到警署正式落口供。
Abby遇害後，Abby母親「五姐」表示女兒曾報夢給她，周英杰說：「她說晚晚都夢到，之後我冇再問，但係Chris媽咪話昨日(28日)Abby返咗屋企，詳情就唔講太多，有人見到佢(Abby)囉！我唔知係見到定感受到，總之知道佢返咗嚟。」事到如今，除了替死者尋冤得雪，Abby四名子女往後安排亦很重要，周說譚家亦開始考慮，「這點好緊要，Abby有兩樣嘢最關心，最重要當要係四個小朋友，要個個都幸福健康成長；第二個心願要做好個慈善機構(「愛豹仕愛心慈善機構」)，其實所有嘢都係佢idea，出錢又出力，我哋亦因此經常開會，她每次都好雀躍，Chris都有份一齊做，我哋三個，Chris父親同阿仔講要振作，叫阿仔要做得好啲，大家都知道Abby緊張。」
Abby上周二(21日)在加多利山登上前夫胞兄駕駛的車輛後，懷疑在車內已被人弄暈，再被帶至龍尾村，最終被證實遇害身亡。事發當日，原本晚上Abby約好與周英杰見面，周說：「出事前一星期都有食lunch，出事當日，本身約咗食晚飯開會，我仲話帶兩枝香檳、食雲南米線，但當日都沒有收到電話，我就以為臨時改期。」
問周英杰事件發展至今，他和譚家如何分析事件？周說：「媒體報道的方向都應該是事實，我哋諗都是這個方向。」周又稱，他們怎樣也想不通為什麼要如此殘忍？「如果一家人，一家四口有一個正常少少，有人出來喊停，講一句唔好，都唔會有這件事發生，好難想像到一家人會夾手夾腳，令人髮指！」
周續說：「大家向來關係唔差，對你咁好，冇人會諗到，Chris當日話我哋知Abby失蹤，我本身同嗰家人唔熟，我係有懷疑，我都問Chris係唔係司機呀？當時我都唔知原來司機就係大伯，原來揭發出來係咁，全部人即場崩潰。」
周之後再補充，Abby在去年十一月已感覺鄺家有異，他說：「其實家人都知道佢2015年單嘢(鄺港智被控7項盜竊罪於黃埔花園落網並棄保潛逃，成為通緝犯)，但後來佢又可以成日返香港，佢話單嘢已經處理咗、和解咗，其實佢一直都可以香港內地兩邊走，所以譚家都以為件事已經over了，沒有放在心，都沒有對這個人起疑心，直到去年十一月尾，Abby發現前夫一家的行為和態度有異常，說話變得刻薄，之後已經同鄺家關係冇以前咁好，去年十一月是一個觸發點。」
電影《天龍八部之喬峰傳》在一月舉行慈善首映為保良局籌款，周英杰說Abby捐錢又包場，他提供一張與Abby、Chris的合照，他說：「呢張相係大伯揸機影添！Abby包場睇戲嗰日我都見到鄺港智，講真，你點估到一個通緝犯可以周圍走？」本刊嘗試聯絡Chris訪問，他透過周英杰表示，案件現已進入司法程序，不便回應任何問題。
部分圖片︰明報