湯令山（Gareth.T）於前日（18日）開始，舉行一連三場《November Rain 2022》演唱會，演唱會的舞台場景是Gareth的睡房，他坐在「房」中小窗之中，背向台下自彈自唱《dinner in bed》，Gareth示：「呢場演唱會係無座位的。」觀眾馬上站起來歡呼拍掌，氣氛熾熱。
首場Gareth請來Tyson Yoshi做嘉賓，二人合唱《Something》，Gareth透露Tyson是他回港做音樂認識的頭幾個朋友，所以按時順序，他需要一早出場。唱完之後，兩人更互做大隻仔姿勢，估不到Gareth已操得與Tyson一樣健碩，Gareth對Tyson說：「我哋今日match埋！不如講下《Something》點寫？」Tyson笑道：「首歌係講一個我以前鍾意嘅女仔，不過依家唔鍾意啦，哈哈。所以我將第一段改咗做寫俾Christy。」Gareth搞笑地問：「佢有無嚟呀今日？」然後，Gareth拿出T Shirt送給Tyson作禮物，更叫他即場換上，觀眾隨即起哄，Tyson笑道，「嘩，你以前唔係咁，依家講呢啲！」
第二場Gareth請來衛蘭（Janice）、衛詩（Jill）做嘉賓，Gareth形容Janice是自己在華納，除咗女友moon之外，是他最喜歡的歌手，平時大家聽她唱廣東歌多，今次自己就有私心想聽她唱《At Your Best》及《Peaches》，他選這首歌原來有個小故事，「一年前在樓下Music Zone，我同Tyson搞咗個show，係我返香港第一次做show，超級緊張手震哂，唱啲音又走哂。我問Tyson點樣可以唔緊張？佢話：『你係香港Justin Bieber嚟嘛，使乜咁緊張啫？』全場立刻嚮起Janice及Jill、全場觀眾的爆笑及作嘔聲！
Gareth昨晚準備了地毯和Cap帽給Janice和Jill做禮物，兩人收到後就回禮，她們叫Gareth要站好合眼，原來禮物是大大個KISS，當想親Gareth的臉頰時，Gareth男朋友身份上身，立即叫停，笑說：「真正kiss留番俾阿Moon啦。」
COLLAR成員Day（許軼）亦在昨晚現身，和Gareth合唱，Gareth見她Tube Top上陣，問她要不要除下外套讓她披上，但因為Gareth當時全身只得一件外套，所以全場起哄叫好，豈料他卻說：「講笑啫。」Day表示拍《笑住喊》MV時，Gareth的鼻涕其實如同鬼口水，他問Day當鼻涕飛向她有何感覺，Day坦言覺得有點涼，「好彩係飛去我件衫度，而唔係面度！」Gareth打趣下次便嘗試向她的臉頰飛去。
Gareth唱到《勁浪漫 超溫馨》，為配合其中一句歌詞「銀行存款等如零」，表示：「諷刺嘅係唱完呢首歌，我銀行戶口多咗幾個零。」Gareth讓大家跟他一起唱這首歌，並於現場噴出已印好的Gareth銀紙，引起觀眾狂搶錢。他唱出《buzz cut》時載歌載舞，笑言華納欠缺一個唱跳歌手，「華納高層喺唔喺度？你哋（觀眾）覺得我做唱跳歌手得唔得？」他寫的歌一首比一首難，最後一首是寫給媽媽的歌，好多人看過歌名《Mon, I’m Famous》，也以為他在自誇，其實他只想說：「因為我媽咪，所以我至喺呢度。」
Gareth在encore時表示好多人都覺得他只懂唱R&B，今次演唱會除了唱R&B外，還有hip hop，廣東歌也唱了幾首，所以希望大家以後稱呼他做一個Artist。最後，他以未推出的新歌《I Don’t Sing R&B》作為演唱會最後一首歌，這時舞台轉到他回到自己睡房中，在窗口跟大家說：「終於踏上舞台，有咁多人嚟睇我嘅演唱會，咁多人支持我嘅音樂。首先想講多謝，但係經過咁多事，最後我都係返番自己間房做音樂，從一年半前到依家，我都係鍾意喺房入面做音樂嘅四眼仔，多謝！」說畢，他便拉上窗簾，讓整個音樂會完結。
