無綫《萬千星輝頒獎典禮 2022》將於明年1月8日舉行，今日由兩位應屆視帝譚俊彥及馬國明，聯同50位藝員包括陳自瑤、阮兆祥、李家鼎、黎諾懿、周嘉洛、 宋宛穎、梁凱晴、邵初、丁子朗、李芷晴、何沛珈和關楓馨等出席公布提名名單記者會。無綫今日公布16個獎項提名名單，台上的馬國明被問到女主角可有心水？他即力撐憑劇集《雙生陌生人》有份提名女主角的女友湯洛雯，即時全場拍掌，簡直閃爆。
獎項中競爭最激烈當然是「最佳男、女主角」，另一今年林敏聰雖然只憑一套劇集《下流上車族》角逐男主角，但呼聲最高；邊陳山聰及陳展鵬同樣來勢洶洶，分別各憑三套劇集，獲提名爭視帝，而女主角方面唐詩詠，雖然同樣憑三套劇集獲提名女主角，但由於她與無綫已無合約，爭獎機會渺茫，令視后之爭屬鮑起靜及江美儀憑劇集《下流上車族》，以及陳瀅憑《美麗戰場》及《痞子殿下》之爭。
視帝譚俊彥今年憑劇集《十八年後的終極告白2.0》再次獲提名視帝。對於冧莊，他表示今年輕鬆面對，零壓力，「冧莊就唔諗，有提名已好開心，因為今年返國內工作時間比較多，之後又拍電影，反而少拍電視劇，仲可以有兩項提名，已經很高興，心情輕鬆好多，以前一直覺得獎項距離自己好遠，但自從視帝獎項擺喺屋企擺得耐，就感覺近返少少。不過我今年都想幾位兄弟可以攞獎，特別會睇好陳山聰，因為由我入TVB開始，大家出生入死咁多年，我都見證到他的努力，而且今年他有六套劇，希望佢可以喺頒獎典禮上攞到獎返去。」
陳山聰雖然未有出席記者會，但接受本刊電話訪問時表示：「好開心，有三套提名男主角，已很滿意，得唔得已經唔重要，至少可以肯定自己的努力，付出的成果，提名多唔一定會攞獎，都要睇觀眾嘅決定，總之我平常心。」
