富商「大劉」劉鑾雄上周五（10日）突然召開記者會，就多篇內地網上文章作回應，包括投資恒大虧損、甘比投資失利、遺囑風波以及財產分配等等，當中又痛斥「賤人」找打手作假新聞造謠，鬧「納迷型」賊仔全部冇個好人，矛頭劍指是誰？呼之欲出。
記者會開始，大劉就解釋突然開記招的原因，「因為我再唔出聲呢，有啲人會愈做愈離譜，一年前去幫一個賤人，我很後悔，應該由得佢破產，當日幫佢係唔想啲仔女有個阿媽破產，影響佢心情，但我睇番轉頭，真係由得佢破產好過。」大劉雖然沒有指名道姓，誰是他口中的賤人？不過提到子女的媽媽，不難令人聯想是他的前女友呂麗君，他又鬧爆對方找網絡打手作假新聞，狠批她是自我陶醉。
大劉年初以首置名義付4000萬元購入呂麗君（現名呂姵霖）的灣仔壹環特色戶，有指呂麗君因投資失利，而向大劉求助。大劉早前收回其所住過的大屋，他說︰「間屋裏面裝修好靚，但佢住過，唔拆唔得，用碌柚葉洗都唔掂。」對於早前幫助度過難關，他坦言是不想子女心靈受損，他表示在子女們面前講：「你阿媽X街嚟！唔係救佢一次，連埋呢次，救咗佢三次。啲仔女都呆咗，佢阿媽最叻儍笑講：『唔記得！』」大劉又痛斥她賤到無倫，成家都做賊，係「納米型」賊仔，冇個好人。其後，大劉指早年有資深員工退休，「賤人」要求他俾幾百萬對方過生活，但他最終發現該員工沒有收過錢！他說：「一支牙膏、一張單都claim三次。我講大話，就絕子絕孫，幾個仔女養唔大。」大劉又爆有人執超市的帳單claim他的錢，甚至乎有人收到他送的名牌物品後，賣出去「套現」，貪得無厭。
愈講愈激氣的大劉，直言「賤人」最叻在背後做「陰濕嘢」，「你知唔知佢有次11、12點，半夜三更，X你老味，叫律師俾傳票我。」他大嘆：「咁X賤，咁X壞嘅人，都未見過。」
大劉與前友呂麗君育有一子一女，最終於2014年宣布分手，有傳大劉支付對方20億分手費，之後迎娶前娛樂記者甘比（陳凱韻），未料去年12月大劉與呂麗君突然一同現身銅鑼灣皇室堡，惹來各種傳聞。今年1月大劉即開記招撇清關係，更直斥對方為錢而「九尾狐現真身」。
相反，大劉對太太甘比則極度保護，他表示甘比有勸阻他不要開記者會，因擔心影響一對子女，不過他認為被人造謠「等於有人要殺佢屋企人」，因此他堅決表示要出來反擊，更稱「有一日有人要殺我屋企人，唔好講我係咪跛，我係跛係殘廢啊，我都要保護屋企人！」
記者會中，大劉提到內地有報道指他將財產轉給兒子劉鳴煒，而甘比會被踼出局，他即斬釘截鐵否認：「我重申陳凱韻我老婆從來冇同我損失過任何錢，唔好話200億，佢同我賺超過200億嘅藝術品投資就有！如果有損失，私人來講，都係我自己的事。完全唔關佢事，佢冇同我損失過錢。『800億落空』，呢啲好似真嘅一樣都係假嘅；仲話我將啲財產俾個仔，完全都係冇嘅。」
大劉又提到有報道指他投資恆大虧損500億，而廣東省也只是虧損400億而已，他不肯透露具體虧蝕了多少，當被問到是否有與恆大集團董事局主席許家印聯絡？他大笑數秒，然後說自己沒有聯絡到他，「我懷疑有冇人可以聯絡到佢，牽涉咁多嘢，咁敏感嘅嘢，幾時輪到你講呀？」他表示自己對許家印沒有感到生氣，「我只係嬲自己，冇聽我老婆同佢家姊的話。」劉鑾雄解釋，太太甘比及她的姐姐曾多次勸說出售恆大投資，但他始終未聽從。大劉對於近日東涌地皮接連流標亦有一番見解，他表示，做生意是計及成本與利潤問題，若有盈利便有得做，不論賣魚蛋或是地產，但他現在「有錢入都唔敢入，睇門口好過」，認為聯儲局再加息的話，若高息持續會令人感到辛苦，大劉說港府若不再做積極政策，樓市「冧咗都唔易救得起」，但明白政府難處，「撤辣又驚，唔撤辣又驚。」他又稱，自己並非做官，講什麼都多餘，他又不敢建議港府做事，「個官字點寫，有多少把口？」
坐擁過千億資產的大劉在17年突然分身家，將其手持的74.99%華人置業集團股權分別分派給其兒子劉鳴煒和太太陳凱韻，市值逾113億元，連同早前送給甘比市值180億元的The One，以及其他物業和債券等等，料甘比身家當時已超過500億元，登上本港女首富的寶座。
大劉有7名子女，分別是首任妻子寶詠琴所生的兒子劉鳴煒及女兒劉秀融、現任妻子甘比所生的兒子劉仲學及女兒劉秀樺、劉秀兒，以及前女友呂麗君所生的兒子劉子鋒及女兒劉秀盈，在記者會被問到看好那位仔女會成為其商業王國接班人？劉鑾雄表示，「我有睇好都不會跟你講。」但多次重申有能者居之，「以前啲皇帝都係咁，唔係一定俾長子做嘅，你依家問我，再講我哋啲普通生意仔都係能者居之。」大劉有信心太太甘比會按他指示執行，「我今日仲有say，陳凱韻肯聽我說話，我三個仔女都肯聽我說話，我而家突然話呢個哥哥姐姐，話佢幾醒目，『老婆送1000萬、100萬俾佢』，佢（甘比）一定會照做，因為佢哋好清楚知道啲錢係我好辛苦賺返嚟俾佢哋，唔係佢哋賺㗎嘛！」
