阿佘與何廣沛有感情線，仲有少少親熱戲！
佘詩曼今日出席台慶劇《新聞女王》記者會，由於阿佘拍攝時頻頻「萬歲」，令眾演員開心拍攝：「最緊要大家開心，一班演員每日在劇中新聞部拍攝，由朝到晚拍15個小時，令我憶起以前的自己，大家很努力同堅持，所以好錫他們。」戲中她跟何廣沛有感情線，兩人首次合作，她大讚對方好努力，又爆監製恐嚇何廣沛用三個星期時間操身形，否則換人頂上，「我同佢有少少親熱戲，但喺電視尺度好大架啦！感覺上好親密。所以特別照顧佢，劇中我成日喺Office叫佢做Ivan BB，希望做到佢同Man姐嘅關係特別。（覺得何廣沛的身形同演技合格？）我當然覺得好啦！」
