新冠肺炎第五波日日幾千人確診，政府繼續動態清零，提升防疫措施，收緊社交距離，二人限聚令下，食飯兩個！結婚都要親友清零，好似毛記創辦人之一姚家豪（阿Bu）與旗下毛記電視藝人利君牙（陳柏寧）㨂咗昨天22222結婚，也因為防疫條例煩惱，利君牙前幾天已在ig帖文，「瘋婦人睇住啲婚禮防疫條例改完又改改咗再改」。雖然頭都痛，不過周二結婚當日都好順利，縱使遇上寒流氣溫得8度，但也阻不住一對新人的甜蜜溫馨兼好心情，利君牙昨晚在社交平台分享同老公的合照，在貼文中寫道：「22.2.22，Hello Omicron，Hello 8度，Hello 大雨，Hello姚生。」
由於防疫條例，昨日的婚禮未能邀請親朋到場見證，同是毛記出身的專家Dickson、羅若Off、腦細林日曦及阿正、阿奴、朱薰及張繼聰等不少圈中好友，在網上帖文或留言道賀。
利君牙又分享了一條在一個月前拍嘅影片，是同事為準新娘搞嘅bridal shower，佢話呢個驚喜party真係好驚喜，玩埋《華燈初上》東莞版，片中利君牙仲即場著件夜場晚裝，變身姚媽媽！
圖片來源：利君牙@Instagram
