呂良偉日前（22日）70大壽舉行盛大壽宴，獲向華強和向太、楊受成 伉儷、甄子丹與汪圓圓、袁詠儀、溫碧霞、章小蕙，王晶、薛家燕、馬德鐘、胡兵、蔡一智、張耀揚、肥媽（Maria Codero）、巫啟賢等均出席到賀，驚動了半個娛樂圈。
呂良偉今日（25日）在社交網上載他在壽宴上，分享人生七十的感言：「人生七十，其實我一直得到上天嘅照顧，俾我呢一生人遇到好多貴人，因為呢啲貴人，令到我嘅一生，所行嘅每步路都平平穩穩，安安全全度過每一個關口。人哋問我，你覺得人生有咩意義？其實我覺得，人生是一個體驗嘅旅程，我好開心，有我呢啲朋友同兄弟姊妹，你哋同我一齊，去欣賞沿途嘅美景，沿途嘅風光。」
跟住呂良偉向太太公開告白：「我更要感恩嘅，就係我太太楊小娟，一個仙女下凡到我呂家，小娟係我生命中裏邊，非常非常重要嘅一個寶藏。其實我嘅座右銘係，我呢一生都冇失敗過，因為我唔係成功就係成長；我呢一生都冇敵人，因為佢哋全部都係我老師，我唔係得到，就係學到；我呢一生，都冇白走嘅路，做得好就慶祝，做唔好我就記住，所以，我容許一切嘅發生，因為一切嘅發生，終將有利於我。」
