呂爵安（Edan）昨晚（17日）完成了第三場MIRROR演唱會後，在IG上載刮痧照，原來他在第二場演唱會開場不久就扭傷頸，帶傷上陣完成演唱會，期間需要幕後醫護團隊協助治療，他亦因此首次嘗試刮痧。
Edan在IG公開了頸背滿佈血痕及貼了止痛貼的照片，留言︰「實不相瞞，噚日第二場Opening跳到一半條頸突然閃咗一下，一落台立即嗌救命︰『瀨嘢啦！我好似扭親條頸，個頭向上郁會卡住！』Medical team即刻過嚟check下，發現真係拉傷咗，所以我噚日同今日嘅show其實都抬唔起頭做人。好彩Medical team喺show前show後都不斷幫我又按摩又電療又放血又超聲波，我先仲郁到下個頭，多謝你哋！」Edan又表示：「嘗試咗人生第一次刮痧，個畫面都幾壯觀，希望消得切，不過真係即刻好咗好多！仲有13場，大家都要保重身子！」他亦分享了完成首3場演出的感受︰「其實每日做完都好似成個人散哂咁，但我哋都係會keep住每日俾盡100%，因為表演俾你哋睇係我哋最幸福嘅事，一見到你哋啲energy就忍唔住爆哂出嚟。等我哋唞番一日，返嚟繼續爆！」
相片來源：呂爵安@Instagram