《叱咤頒獎禮2023》於昨晚（1日）完滿結束，頒獎禮其中一個環節，DJ黃正宜（阿正）頒「叱咤男歌手獎」前，跟台下男歌手互動，她帶定道具癦來個「癦癦送」，即場黐落好友呂爵安（Edan）臉上，好搞笑。
事後Edan在IG貼出和阿正的合照，他將大癦黐在臉上，並寫道：「報仇post，請碌到最後享受眼睛的洗禮。一早話定我知份稿有我叫我要俾反應，估唔到竟然係癦癦送，梗係難唔到我呢個百大型男，我特登keep住粒癦㗎，正姐係好嘢嘅，個talk好得。」由於近日Edan獲得「全球百大型男」第72位，因此獲阿正搞笑寫上：「百大型男認證。」不少「爵屎」留言：「百大型男真係咩都carry到」、「你一定係百大癦男」、「都係咁型仔」、「百大型男並唔係浪得虛名」。
至於在頒獎禮奪得「男歌手銅獎」和「唱作人銅獎」的陳卓賢（Ian），是MIRROR首位成員躋身叱咤男歌手行列！對於自己有好成績，Ian今日凌晨（2日）在IG貼出望住兩個叱咤獎微微甜笑的照片，並寫道：「腦海一片空白，多謝每一位，2024繼續努力，做好要做的事。」
