不經不覺鄧麗欣Stephy入行20年，由Cookies的少男殺手、最佳女朋友「阿寶」，到現在開始滲出女人味，Stephy的確陪住八九十後成長。
今年Stephy事業亦有新開始，宣布加盟古天樂旗下Cool Style，除了電影發展，Stephy亦希望圓自己另一個心願。「我覺得自己在歌唱事業，還有未完成的夢，例如演唱會，希望在唱歌方面再踏前多步，可以有一個交代給我的歌迷，他們都追問了好幾年，老實講，上次做軒仔演唱會嘉賓，是一個點勾起大家的回憶，可以在香港再次拎起支咪係幾感動嘅，當晚上台戴了耳機，其實聽不到現場環境，落台之後同事告訴我，一開始就全場大合唱，後來看片段先聽到，一唱《他不准我哭》大家就一起唱，我竟然喊咗出嚟，這首歌都有點歷史，大家仲記得，令我更想擁有一個自己的演唱會，最理想當然是紅館啦，歌是夠的，如果加埋Cookies應該唱唔晒。」Cookies是八九十後的回憶，有沒有重現舞台的可能？「其實大家都各有各忙，而且大部份都已經不是這行，很多成員都已經養尊處優，所以不要打搞她們了。」
