胡說八道會成員胡杏兒、胡定欣、胡蓓蔚（豹嫂）、黃智雯、李施嬅與姚子羚感情一直很好，但因為各有工作，要齊人絕不容易。即如她們將以「胡說八道」名義於年底到美國開騷，唯一的歌手豹嫂卻缺席，由伍詠薇頂上當特別嘉賓。
今日5位成員都在社交網貼上演唱會海報，正式宣布《胡說八道Girls Night世界巡迴》即將展開，當中胡定欣留言：「繼2017年《胡說八道真情假期》去旅行之後，2023年我哋胡說八道～開演唱會啦！大家都好記得上次我哋要度期一齊去旅行已經幾咁難，今次一齊開show簡直係挑戰高難度，不過齊心就事成！其實幾年前我哋已經有呢個構思，今年終於可以實現，我哋都非常興奮期待，亦已經開始秘密練兵排舞練歌，仲誠意邀請好朋友伍詠薇做我哋特別嘉賓，希望做場GOOD SHOW，同大家過一個開心窩心難忘嘅聖誕節！約定你哋，12月見！」
其餘4位亦講出各自感受，李施嬅說：「講咗好耐，想咗好耐，諗咗好耐，度期度咗好耐，終於可以做到屬於我哋自己嘅演唱會。」胡杏兒說：「意唔意外呀？驚唔驚喜呀？開唔開心呀？胡說八道開演唱會啦！」姚子羚則說：「一直我們都有這個想法去做一個Show～對我們來說這次辨concert也是別具意義！大家一起經歷人生高低，陪伴大家走過不同階段～這次的演唱會也是排除萬難，期待我們的第一個concert。」而黃智雯亦話：「有種姊妹不常見面，因為各自工作生活都很忙碌，湊齊人食餐飯比想象中更難。能聚在一起的時光，會談天說地，偶爾瘋狂玩一個晚上，但對自己熱愛嘅事情和工作係100%專注和投入，佢哋就是我的姊妹sss！」
