32歲《獎門人》新長老吳嘉儀（阿七），今年8月與圈外男友「豬仔」Leo結婚，可是新婚不足4個月，阿七昨日（3日）在IG限時動態出po：「I m not OK, but i can survive.（我不好，但我能活下去。）#話我擺3枝送比（俾）家人嘅護膚品喺車後座會整花佢tesla座位d（啲）皮（已提出搵到任何𠝹花痕跡，我願意照價賠償） #每日被話蠢話麻煩話污糟100次 #又唔係未試過被改密碼鎖無家可歸 #又唔係未經歷過比（俾）人成衣櫃衫掟出大門 #要求認真反省其當欺凌作玩笑的性格問題」。
阿七繼續大呻：「唔好講幸福喇，連唞啖氣都有困難」，再逐一細數：「你要斤斤計較係你品德問題，唔好迫人順從你果（嗰）套。我洗（使）自己賺嘅錢對自己的家人、朋友好有咩問題？最好我養埋你供埋樓但寫你名。個個星期叫我諗去邊，入場費、parking又唔想畀（俾），我比（俾）ok呀，叫你揸機影張相就黑面hea撳，其實撳幾個制（掣）又唔駛（使）錢嘅，駛（使）唔駛（使）咁嘅態度先？最嬲係：日日都對住啦，駛（使）咩維繫感情呀？（態度輕佻）」
出嫁當日，阿七穿低胸婚紗盡騷好身材，並獲多位圈中好友陳煒、吳偉豪、蘇韻姿、莊思明、游嘉欣、胡渭康、陸浩明、李旼芳、黃耀英和翟威廉等到賀。
