楊千嬅今年初完成十一場紅館跨年個唱後，今日（31日）推出新曲加精選碟《ONE ON ONE》，早前千嬅專程拍了一輯全新封面照片，她撐住6吋高跟鞋，做出恍如瑜伽般高難度動作，拗腰、瞓地、俯身彎腰、單腳企、sit-up和抬腿等，花了近10個鐘，換了8個造型，影了過千張靚相，事後，她笑言：「我成世人未試過影一個唱片封面影咁多相和咁多套衫，好似影了一本春夏時裝目錄」！
拍攝唱片封面是整張唱片製作過程最後步驟，所以每次也令千嬅特別興奮，她說：「每次影唱片封面都好開心、好大滿足感，證明我們又完成一項重大任務。」今次新碟帶給千嬅很多新體驗，其中《搖滾之母》是千嬅首次唱Rock，她坦言最初有點擔心：「我的歌未試過節奏這樣勁，我有諗人家會否覺得我是家庭主婦是否適合唱？但因為是黃貫中作曲，再搵埋林海峰填詞，佢啲詞不用懷疑，一針見血得來又很有幽默感，這首歌帶給我好大驚喜。」
