TVB台慶劇《香港人在北京》昨晚（24日）播出的一集，劇情講到蘇菲（蔡潔飾）陪同港仁（陳展鵬飾）去珠海傾生意，後來蘇菲飲醉酒獲港仁送回酒店，對港仁餘情未了的蘇菲，借酒意告白：「點解你當年要失約，如果你有嚟到嘅話，我哋世界就唔同晒。」蘇菲說罷情不自禁吻向港仁，幸愛妻號的港仁最終把持得住，用手指放在嘴前拒絕蘇菲獻吻！
蔡潔受訪時指，拍該場牀上獻吻戲沒有尷尬：「大家都係專業演員，嗰場主要係講個氣氛，大家都係盡力去演出嗰場戲嘅氛圍，展鵬厲害之處係唔會令你緊張，我哋喺輕鬆嘅氛圍下完成拍攝。」
提到大露背晚裝大曬白滑玉背非常搶Fo，蔡潔笑言：「我都覺得個造型好靚，其實嗰件晚裝上半身只係得一塊布，但出嚟效果好靚！」蔡潔還大方分享美白和健美心得：「我以前好鍾意飲牛奶，可能同飲得多牛奶有關係！同埋我幾喜歡練背肌，但唔係練大隻嗰種，練背肌除咗可以保護脊椎令到女士線條更凸出，仲可以令到塊面更firm。」
今晚（25日）播出一集，Helen（吳若希飾）和姑仔寶怡（戴祖儀飾）將會合體獻聲，以型格「黑雙煞」造型獻唱《Crying》，兩人一唱一和非常合拍。
講到劇中有不少唱歌場口，吳若希透露：「喺未拍呢套劇之前，我未試過企喺一個咁大嘅舞台演出，所以有好多唱歌場口真係有一種開騷嘅感覺。開完呢套劇之後，我先夠膽開屬於自己嘅個人演唱會，呢套劇喺唱歌事業方面真係幫咗我。」
