《第七屆KKBOX香港風雲榜》昨晚（31日）於亞洲博覽館舉行，今年以「The Beat Goes On」為主題，傳遞「只要心跳繼續，音樂就會一起Go On！」參與演出的16組歌手包括6名MIRROR成員姜濤、盧瀚霆（Anson Lo）、呂爵安（Edan）、柳應廷（Jer）、李駿傑（Jeremy）及邱傲然（Tiger），還有江海迦（AGA）、張天賦（MC）、陳蕾、洪嘉豪、黃妍、陳凱詠（JACE）、陳柏宇及周殷廷等，其中洪嘉豪與JACE擔任大會主持。
姜濤率先打頭陣，跳唱《On a Sunny Day》及《白果》。ViuTV團綜節目《呂濤米Lo Seoul》掀起不少話題。曾自爆剩3年合約的姜濤，表示當時只是隨意講，未想過被放大，「當時都可以講5年或10年，真係冇好認真去諗呢件事，冇諗過被放大，我唔記得簽咗幾多年，只記得幾多歲開始簽，當時仲後生，冇乜理呢啲嘢，有得簽就簽，返去確實咗再話畀大家聽。」對於Lokman指MIRROR若不續約便會解散，姜濤堅定地指MIRROR一定不會散，「就算我哋人唔喺度，個心都喺度，我想永遠都一齊，無論續唔續約都好，我哋12個都可以得閒一齊出嚟食飯傾偈，一定係一生一世，之後唱首《One and All》畀大家聽。」他在節目中與花姐談到拍拖問題，當被問到會否因為怕麻煩而不拍拖時，他坦言不想被討論感情事，所以會隨緣，「如果萬一有感情事，以我性格都會選擇低調處理，但等緣分到先，或者我真係好鍾意對方，鍾意到好想講，呢啲嘢都話唔定，緣分到自然會知。」
方大同在今年二月離世，大會安排致敬環節，並由方大同的音樂監製Edward Chan擔任這部分的客席音樂總監，親自以鋼琴彈奏，柳應廷（Jer）與黃妍分別獻唱方大同的作品《黑洞裡》及《特別的人》，又合唱特別重新編排的Medley《愛愛愛》、《小小蟲》、《夠不夠》及《好不容易》，讓大家再次透過方大同的音樂作品緬懷他的才華。
Edan聯同洪嘉豪及陳凱詠（JACE）獻唱三人限定版的《漸漸我們》，Edan又與洪嘉豪合唱《聖誕很忙》，最後再獨唱《你應該是這世界上最懂我的人啊？》。陳蕾與周殷廷則合唱《三生有幸》。
之後出場的MC獻唱《說謊者》，又與陳健安、Jer合唱陳奕迅的《告別娑婆》及陳蕾的《以正義之名》。陳健安與Jer分別再唱《戀愛腦之死》及《月居人》。陳柏宇則送上《墜落》，並與陳健安合唱恭碩良的《月球人》。
Anson Lo與AGA合唱《Mad》，之後再獨唱《Heartbreaker》。他在《呂濤米Lo Seoul》節目中被安排卸妝，表示不需要心理準備，「之前拍團綜都試過，都唔係第一次素顏示人，可能粉絲有睇過，其他觀眾或之前冇留意先會嘩然，明白點解會咁大反應，我唔驚畀人睇，化妝同卸妝之後的，都是自己鍾意嘅自己，唔介意讓大家睇，多謝讚我皮膚好，我好勤力護膚。」
更多現場花絮：
