女團COLLAR昨晚（29日）舉行《COLLAR ”GAME ON” LIVE 2025》演唱會尾場，她們先跳唱《Call My Name》、《Run Boy Run》、《idc》及《暴走女團》，連場勁舞熱舞，炒熱氣氛。
COLLAR是夜相當感性，在分享感受時，多位成員都感觸落淚。Day沒想過能收穫到這麼多愛，表示：「我哋都係幾冇自信、好混亂嘅人，連換衫都好混亂，喺冇自信嘅時候，見到大家識唱我哋嘅歌已經好感動。」Candy回想在整個演唱會的準備過程都很辛苦，大家都費盡心思準備solo表演，又興奮地說：「我畢業喇，可以全職投入COLLAR。」Marf覺得COLLAR已經比以前更堅強，卻依然保持着平凡人的內心。芯駖哭着表示雖然COLLAR唱歌未夠好，但大家都很努力改善，亦感激歌迷的包容，讓她們慢慢進步；她又提到各成員都有負傷在身，每日有醫療團隊幫忙針灸，「隻腳好痛，第一套衫好重，呢啲未必有人知道，但係聽到大家嘅掌聲係值得。」Ivy So坦言出道時曾經感受迷失，但每次回到COLLAR這個團隊，一起為團歌製作而努力後，都會令自己更堅定。Winka自認容易情緒敏感，今次終於在唱歌跳舞之中感受到自信和開心，「唔再驚唱成點，諗起Busking冇人睇都係咁唱，今次咁多人睇，點解唔攞出勇氣、自信，我大個女喇。」
Gao最後獻上日文曲，為演唱會作結。但觀眾遲遲不願離開，COLLAR雖然已換回便服，但再度返場與歌迷合照，以示答謝，熒幕上更播出她們綵排的片段，為歌迷送上彩蛋。
