馮允謙（Jay）今年第二首英文歌《Close to the Edge》MV於昨晚（24日）上架，因為他一句「我想淋雨」而租水車拍攝，營造滂沱大雨「照頭淋」的效果，豈料未拍完已「水情」告急。而今次Jay首次與雙胞胎弟弟Tim Fung一起填詞，他最初以為會意見不合打架收場，結果合作竟愉快。
第一次拍淋雨戲的Jay好興奮，透露這次拍攝過程有好多趣事，「首先就係book咗架水車，因為要扮落雨，原本睇天氣報告，以為會落雨，點知冇，所以要租水車。另一件得意事，就係拍到差唔多最後無晒水，而且最尾係高潮位，要越嚟越大雨，要諗點樣拍埋個ending。」結果用到最後一滴水，MV才大功告成。
今次MV故事由Jay與導演一同創作，Jay分享道：「因為歌詞內容好適合落雨，我又未試過租架水車拍落雨戲，好想試被雨淋濕晒。」他透露小時候很期待下雨時玩水、踩泥坑，可惜加拿大下雨時，因為天氣太凍，不能出戶外玩水，而香港下雨則會天氣和暖，所以想感受一下，「我成日見到其他人拍嘅MV落大雨，成身濕晒，失落嘅感覺，未試過就好想試。我知道化妝師、髮型師和造型師都有好大concern（憂慮），髮型同埋個妝都甩晒，唔知似咩！但我唔理，我想做就要做！」任性的Jay終於如願以償。
新歌首次與弟弟Tim Fung一起填詞，Jay笑言沒有想過如此順利，「因為我好有自己嘅諗法，佢又好堅持，我以為我哋會打交，估唔到合作咁愉快。其實Tim寫嘢幾叻㗎，佢做過copywriter（撰稿人），今次搵佢幫手，希望寫到唔同嘅感覺。」Jay表示云云香港唱作人中，很欣賞Moon Tang寫的英文歌詞，希望有機會合作。
