《2025香港小姐競選》決賽將於8月31日舉行，14位候選佳麗，1號李尹嫣、2號甘詠寧、3號蔡華英、4號莫凡、5號曾閱遙、6號朱文慧、7號施宇琪、8號岳凡荻、9號陳詠詩、10號文雅儀、11號梁倩萱、12號庄靜璟、13號袁文靜、14號何詠多，前日（7月31日）在視帝袁偉豪及師姐劉佩玥帶領下、出發前往馬來西亞檳城拍攝外景。
前晚飛抵檳城的14位佳麗，昨日（1日）即馬不停蹄展開一連串拍攝工作，拍攝地點分別為當地市政廳、鐘樓、姓周橋及姓陳橋。14位佳麗穿上清純純白少女長裙，在海邊進行拍攝，青春氣息洋溢。除了拍攝工作，14位佳麗與兩位主持袁偉豪及劉佩玥，還一起接受了當地傳媒訪問，大談對檳城的感受。
談到還有三天便要進行泳裝拍攝，14位佳麗笑言正努力減磅作最後衝刺，當中之前為參選港姐減了14KG的熱門之一7號施宇琪，坦言即使外景拍攝工作辛苦，仍會堅持每日跑10公里的習慣，相當有毅力：「我嚟之前每日都會跑10公里，希望可以減肥，不過仲有幾日，我儘量啦！」同樣靠運動最後衝刺的，還有2號甘詠寧及13號袁文靜，前者主攻平板支撐、後者則以做gym為主。另外6號朱文慧及11號梁倩萱，則選擇佛系減肥，朱文慧表示：「我希望馬來西亞熱啲，我哋可以直接出多啲汗，睇落去會瘦啲。」梁倩萱稱：「知道檳城會比較熱，所以應該都會流失好多水份，應該自自然然都會減到少少肥。」
雖然只是第一天拍攝，但14位佳麗已對檳城美景讚不絕口，大熱之一的9號陳詠詩道：「好興奮可以喺度一齊拍攝，同埋見到啲美景」、文雅儀指：「今日都幾曬嘅，不過喺海邊有啲breeze吹過黎，同埋冇香港咁潮濕我覺得。」、梁倩萱則表示：「因為喺海邊，拍時都有陣陣涼風！都辛苦啲工作人員幫我哋抹汗，畀吓風扇我哋涼吓，好感恩！」
