周國賢（Endy）早前宣佈將於 7 月 16 至 18 日舉行一連三場「全企位」音樂會。門票於昨日（5日）下午開賣，隨即引發搶票熱潮，在短短半小時內全數售罄！主辦方今日趁熱打鐵，正式宣布加開一場以回饋歌迷。
對於門票瞬間秒殺，Endy 直言感到非常驚喜與感恩。他笑稱這次演出的規模完全超乎預期：「我一開頭諗住搞個新歌發佈會嘅啫，點知佢哋肯幫我搞大佢，做一個小型音樂會，好開心。」距離上一次個人演出已有年半時間，看到歌迷熱情不減，Endy 感動表示：「大家而家都仲願意真金白銀嚟支持我，真係好感動嘅。」
雖然音樂會的具體主題目前仍處於保密狀態，但 Endy 大賣關子，透露這次將會打破以往的常規，帶給觀眾全新的體驗：「我以前都做過好多唔同類型嘅show，Band show有做過，好華麗嘅show有做過，自己嘅『作品展』都做過，今次希望特別啲，希望觀眾入場會有一種好似睇咗套戲嘅感覺，少少theatre感覺。新歌就當然會唱，都會將以前一啲比較經典嘅歌做一啲新嘅arrangement，希望帶啲新鮮感畀大家。」
除了 Endy 的個人舞台，台上的樂手陣容同樣是一大亮點。Endy 特別提到，這次的合作夥伴全都是他音樂團隊的老拍檔，更幽默地笑說：「我知我有啲 fans 都好鍾意睇佢哋嘅，哈哈。佢哋都會陪我完成呢個演出。」
