陳潔靈、冼靖峰、倪嘉雯、「魔音女團」的倪樂琳、莊子璇（Hilary）與宋宛穎等，昨日（5日）為《萬眾同心公益金》進行節目排練。
倪樂琳、Hilary及宋宛穎今日將正式公開演唱新歌，並宣布成團，透露2026年6月6日星期六，「四個6」齊聚，象徵順利好日子，可是她們的心情依然緊張。宋宛穎坦言：「今次嘅緊張同選港姐好唔同，選港姐著重靚同擺甫士，今次真係講實力，做女團難度高啲，要多加練習。」Hilary則表示興奮多於緊張：「好少有機會喺咁大嘅台上又唱又跳，所以好期待。不過呢兩日我有少少唔舒服，有啲擔心，尤其係唱歌嗰部分。」宋宛穎指這次排練是她們首次「踩台」，自己亦略帶怯意：「成個表演環節總共7分幾鐘，我哋首歌就佔咗3分幾鐘，係最長嘅部分。」
她們更預告舞衣相當性感，Hilary坦言：「太少布我接受唔到，我唔鍾意。」被問到是否比港姐泳裝更性感，她回應：「咁又冇咁性感，如果係就太過份。」宋宛穎補充：「港姐着泳衣唔使又跳又唱，我哋今次要跳唱，真係怕走光。」
另外，倪樂琳透露今屆港姐首輪面試，留意到其中一位參賽者被指是她與楊梓瑤的混合體，並大讚今屆質素高：「我聽到樂小姐話有位面試佳麗，佢畀9分，但最終都要睇臨場狀態。」
另外，俞可程雖然未能成為「魔音女團」成員，但將與她們同台表演，表示自己持續學跳舞，承諾會多拍跳舞短片放上社交平台，亦期望公司能推出相關節目讓她參與，更笑言若有《魔音女團2》，她一定會去踢館。她被問到能歌善舞的男生是否特別吸引時，笑說：「一定會加分！以前我都好迷戀唱歌好聽同跳舞叻嘅男仔。我依家學緊跳舞，如果佢同我一齊學，都係一個幾好嘅拍拖活動。」
最近梁嘉琪於HOYTV節目訪問中自爆，拍攝《金枝慾孽貳》時曾被上位小花欺負，網民推測龔嘉欣是嫌疑人之一。倪嘉雯在《香港探秘地圖》中與龔嘉欣有不少對手戲，她表示：「佢好照顧後輩，會幫我執衫執頭，拍攝時成日提點我。」倪嘉雯強調自己從未被欺負，身邊同事一直對她照顧有加。
更多現場花絮：
