羅艷卿坐輪椅到場，精神甚佳，她透露平日很少上街，剛才看展覽時湧現好多回憶，想起以前拍戲好開心，「晨早呱呱嘈，嘈生晒！成日搶嘢食，好熱鬧！」她透露虛齡101歲，跌傷腳令其行動不便，但姪孫照顧得好好，姪孫與徒弟會為她添置衣服。被問到稍後胡楓開演唱會，會否往捧場，卿姐表示平常六、七點已就寢，但當得知修哥會開下午場，便笑說：「叫姪孫帶我去，都想去睇吓佢！」卿姐日常活動包括與朋友打麻雀或午餐，「大家兄弟姊妹咪玩埋一齊，有乜食乜。」
活動上播放元彪與劉家榮合演的電影《雜家小子》片段，他們大讚當時拍動作片好博，提到新一代動作演員，元彪有感而發：「而家啲動作演員唔同以前，冇咁全面」，他指以前所有事情都親力親為，自己度，現在的演員較為形象化。元彪與劉俊謙在電影《寒戰1994》中合作，他大讚劉俊謙為人謙虛，相處融洽，他對於劉俊謙主演的《九龍城寨之圍城》給予武術評價，「我覺得佢表演方式係唔錯，但係如果講動作，佢係缺乏啲，仲未講得出係一個動作演員」，元彪覺得劉俊謙較偏向演技派，「將來再加啲自己嘅動作，親力親為醞釀多啲，咁樣就比較全面。」
更多現場圖輯：
