關楚耀是匹克球（Pickleball）狂熱分子，早前到北京參加比賽，順道跟當地球手交流，竟有幸與男子網球傳奇球星阿加斯（Andre Agassi）同台食飯，還跟匹克球世界一哥Ben Johns去行古廟，此行能跟兩大偶像見面，Kelvin自言如小粉絲般感覺好夢幻。
Kelvin興奮地說:「細個嘅時候睇網球比賽喺電視上見到嘅球星，竟然可以坐喺我側邊一齊食北京填鴨，我仲教佢點樣食同斟茶俾佢，話畀佢知呢啲係Chinese Tea，阿加斯好Nice，我話想同佢影相，佢立即話冇問題，我仲攞啲球拍俾佢簽名。」除了阿加斯外，Kelvin更有機會跟匹克球界世界一哥Ben Johns及世界級球員Tyson Mcguffin一齊行古廟，還向他們介紹中國人一些特別的習俗，又帶他們去將一些祝福語掛上樹，好像香港的許願樹般。
Kelvin將於7月赴東京參加比賽，近幾個月會積極備戰，「先唔好理輸贏，但成個過程係非常之有趣同有意思，所以我好認真去做準備。」至於音樂事業方面，他透露已開始籌備新歌，計劃於今年內推出。另外，去年參演的邵氏新劇《風華背後》，他亦希望能夠在今年底前播出：「套劇有好玩陣容以及好多好戲的演員，今次拍劇認識咗蔡少芬，佢係一個非常有趣嘅人，就算拍完我哋私底下都會聯絡，所以都好期待呢套劇推出。」
更多圖輯：
