許靖韻（Angela）今日（9日）推出全新單曲《Just Don’t Care》，這次Angela一改以往風格，以瀟灑姿態唱出「I don’t compare，無用變改一身風雅」，擺脫旁人閒言閒語，霸氣十足！MV找來23歲土耳其小鮮肉model做男主角，靚仔到連工作人員都忍不住偷望多兩眼。
《Just Don’t Care》是Angela繼《琢磨》及《被討厭的勇氣》後，第三首自我態度主題曲，由首次合作的Claudia Koh許東晴作曲、編曲，曲風嶄新破格，加上T-Rexx跟Claudia一齊填詞，中英夾雜，節奏感強烈，加上監製陳考威又將Angela唱功推到極致，帶出女性強韌的態度。
講到MV最有趣的事，一定是23歲土耳其男model！輪廓深邃加高大身形，養眼度十足，連Angela同身邊嘅同事都忍唔住讚嘆：「嘩！佢真係好靚仔！哈哈！」
另外，早前Angela參加《汽水音樂節》，乘機大唱新歌，而且更帶埋dancer，過足跳舞癮，「都有十幾年冇出快歌啦，一出快歌就可以喺大型音樂節演出，真係好興奮！」現場觀眾反應熱烈，全場跟住節拍一齊搖，氣氛high爆。Angela表示今次新歌想帶出「做自己」的態度：「外間閒言閒語，Why should I care！最緊要自己活得瀟灑。」
