「2024香港小姐」冠軍倪樂琳、亞軍暨最上鏡小姐梁嘉莹、季軍楊梓瑤及友誼小姐王汛文，今日（17日）出席領獎活動，眾佳麗休息了兩天，表示已平伏心情，奪冠的倪樂琳現年23歲，是應屆大學畢業生，參選初期即備受關注，因標緻甜樣及fit爆身材被封為「城大李嘉欣」，但前晚奪冠後竟大逆轉，被指樣貌老態，口大，面對網民狠批，「噚晚瞓飽了，無咁攰，比賽期間真係好攰，自己睇返都覺得可以再靚啲，但無辦法，因為比賽前好多密集式訓練，無咁靚都好正常！（口大？）我向來唔介意，係個人特色，父母賜俾我，我個口雖然唔細，但又未去到唔合比例，而且比賽當晚着旗袍就要搽紅唇，大家就會將焦點擺喺嘴度，可能畫嘅嘴形唔啱我。」面對批評她說會盡量改善，「我個心比較大，好快消化得到，如果明顯為鬧而鬧，就由得佢哋，作為藝人都要俾歡樂大家，但若然係我有問題，就會去改善。」
更多現場圖輯：
