蔡卓妍今日（28日）在社交平台宣布與健身教練
林俊賢（Elvis）結婚，英皇嫁女，經理人霍汶希替阿Sa開心外，好拍檔阿嬌亦衷心祝賀二人佳偶天成，「恭喜我個最佳拍檔，好開心喺生活中佢終於搵到一個最佳拍檔！由第一日聽佢同我講，我就好激動好感動，而家講返都係好感動，祝佢哋新婚快樂！白頭到老永結同心，快d生個bb啦。
蔡卓妍
而老Best關智斌也好感動，「見到佢行入人生新階段，我真係打從心底裏戥佢開心。我哋識咗廿幾年，一齊經歷過咁多高高低低，睇住大家成長，而家見到佢搵到一個可以令佢開懷大笑、俾到安全感佢嘅人，我真係好感觸、好感動。我會將最好嘅祝福全部送晒俾佢，希望佢哋一直幸福落去。」
