歌唱選秀節目《聲秀》昨晚（28日）播出「一對一對決」下半場，最後有4位學員遺憾被淘汰，分別為胡港豐（Andrew）、陸卓謙（Jeffrey）、徐惠晴（Vanessa）、及冼奕瑜（Jasmine）。
作為「顏值擔當」、17歲的Jeffrey以少男視角演繹情歌《燕尾蝶》，對戰以性感透視上衣搭配搖滾造型的穎喬（Ziva）重新演繹《酷愛》，雖然Jeffrey先獲得導師吳浩康（Deep）肯定：「終於入mic（把聲），唔再收喺入邊。」並獲評審陳奐仁讚「好上鏡」，Eric Kwok亦讚：「佢把聲揀呢隻歌非常之好，唱到呢隻歌入邊嗰個感覺。」但Jeffrey仍以1:4敗給Ziva，落入淘汰區，最後被淘汰。
Jeffrey在離別時衷心感謝Deep：「多謝Deep Sir，多謝你喺我最需要信心嗰陣，俾咗我好多鼓勵。」Deep亦暖心鼓勵：「今日所有人都喺我面前講你進步咗好多，我都想話俾所有留意你進步嘅人聽，多謝你哋。呢啲係你搏晒命換返嚟，唔係假㗎。我由依家呢一刻已經開始期待緊，出年嘅你會係點？你係值得期待，我以你為榮。記住，做人唔係做一日，聽日你可以繼續嚟過。」
至此吳浩康組已滅團，3位成員先後被淘汰，期間更曾鬧出風波，因其中一位參賽林錦興（小林）被淘汰後，聲稱遭Deep出言侮辱，被貶低至一文不值，不滿被指以後怎做人父母，更指Deep：「自己一個吸毒的」、「怎麼好意思說怎麼教小孩」，TVB隨後公開吳浩康當日評語的足本版交代事件。
