吳業坤、馮熙燮今日（20日）出席新春花展會，佢話馬年犯太歲，「麥玲玲頭先話藝人犯太歲係好事，可以事業上會再有喜事，攞完飛躍獎之後都接咗好多工作，今日嘅工作都係獎之後接。（會否攝太歲？）細時屋企人都會成日攝太歲，所以今年都攝定先，我好尊重傳統，太太都有入鄉隨俗，日本都會做，求心安，但自己都努力。」喜事沖喜？「跑完馬拉松都係喜事，生BB暫時未係好想，而且今年好多目標，下個月要去美加登台，之後又拍劇，今年入行十年，之後會做小型巡迴音樂會，好多唔同地方安排中，香港都想年尾可以舉行，其實場地唔係重點，最重要可以見歌迷。」
坤哥說作為歌手唔止唱歌，還希望可以擁有首歌嘅權利，「所以入行十周年，都打算有投資歌曲方面想法，自主權多啲，重金打造，目前同公司還有約，但都開始傾續約問題，今年會好多決定，都係研究中，繼續行落去定自己努力，音樂理念同音樂資源好重要，呢個年代可以出歌同有人俾錢拍MV已好好，方針好重要，自己好想再上音樂頒獎禮台上，所以都要繼續努力。」
更多現場圖輯：
