王菲愛女竇靖童（童童），憑住自身天賦同實力勇闖樂壇，獨特嘅風格得到唔少樂迷喜歡。童童平日上鏡鮮有化妝，形象大膽前衞，更喺下巴至頸部位置紋咗一條直線，相當破格！童童喺Instagram分享一張露牙相，見佢兩隻門牙都斷咗一大半，真係睇見都痛。
但童童一啲都唔在意，笑晒咁露出崩缺嘅尖牙，留言：「I look cute.」佢仲幽默地附上一張日本動漫《火影忍者》「干柿鬼鮫」嘅露牙圖片，話自己似足嗰個漫畫人物。
唔少網民留言關心：「好心疼」、「好好照顧自己」、「童童妳沒事吧」，亦有人笑言：「這牙也太酷了吧」、「你這樣唱歌可是會漏風的」。
圖片來源：竇靖童@Instagram、微博