今日（7日）是盧瀚霆生日，其國際後援會昨晚於亞博館舉行生日會，為偶像提早慶生。Anson Lo與粉絲玩遊戲熱身，又坐粉紅色花車繞場獻唱，其後大會推出生日蛋糕，粉絲一起唱生日歌，令壽星好感動：「我估唔到今年可以咁大規模，一次過咁多人，你成日聽人講29+1，其實可以直接講30，我係唔介意嘅！係呀，我今年30歲啦，除咗愈嚟愈Man啦，我覺得都係一個轉捩點，一啲以往嘅遺憾、挫敗都擺埋一邊，要勇往直前先！除咗事業之外，我覺得承擔感都重咗好多，除咗照顧屋企人嘅責任，仲有照顧每一位神徒，想每一日大家都開心，你哋靠住我嘅時候都有被保護嘅感覺。」
Anson Lo受訪時透露正日生日要去做School tour，「要工作其實都好開心，公司幫我留起夜晚時間同屋企人一齊慶祝。」日前剛做完手術，他多謝家人照顧，「我要留醫幾日，屋企人每日都會嚟探我，除咗煮嘢俾我食之外，仲會陪我好長時間，助手仲留低陪足我幾日添！」
更多圖輯：
