相關場口突顯了劇情的張力、兩位主角的演技，以及陳瀅的美好身材。首先，陳瀅拿著已故閨密手機，一再挑釁張智霖的冷傲表情，配以二人的高智能來回試探拉鋸，十分有戲。當張智霖問陳瀅「咁你要啲咩」時，陳瀅冷著面堅定謂：「我咩都想要！」之後，還未能信任陳瀅的張智霖拋出一句：「我點樣先至知道你唔係第二個Annie？」陳瀅聞言先是慢條斯理地解開恤衫鈕扣，再狠狠吐出：「我講過 Annie做到嘅嘢，我都做得到。」當只剝剩內衣褲後，陳瀅再信心十足攤開手臂：「同埋你見啦，我唔會錄你音。」不過，野心及色心兼備的張智霖似乎並未滿意，再問陳瀅：「就係咁樣？」一點就明的陳瀅則馬上連內衣褲也剝掉，示意甘心淪為張智霖的棋子。
陳瀅即晚露出「黑色喱士誘惑」內衣＋玲瓏浮凸葫蘆身段的這段戲，堪稱其從演以來最大尺度，加上張智霖全程冷酷、藐視又勝券在握的樣子，整個場口極盡破格，難怪昨晚播出後旋即引發迴響。網民：「今集真係好爆」，當中接近八成留言，是大讚陳瀅身材越來越好，當中更不乏女性網民：「陳瀅好猛」、「陳瀅堅係正」、「陳瀅好博」、「我係女人都覺得好震撼」、「我哋女人都睇到嘩嘩聲」、「陳瀅用魅力，陳瀅在發射熱力。」
由於張智霖在場口中有拍下陳瀅裸照作為將來「綑綁」陳瀅條件，有網民發揮創意指要「追尋張智霖手機圖片庫」之餘，還笑言張智霖「膝頭哥今晚好危險」，熱話度可想而知。談到身形獲讚，陳瀅接受訪時坦言為了拍出最佳效果，足足花了9個月時間增肌減脂：「主打練下半身同不停練pat pat，而亦因為我為咗呢個角色堅持，令我養成咗健康嘅生活習慣。」提到首度與張智霖合作，陳瀅坦言興奮多於緊張，並透露張智霖有用心與劇組研究及優化每一個場口：「Office場戲，本來我係冇挑逗佢，係佢加咗啲，令到成件事嘅化學反應同效果更加好。」
陳瀅續指當初與監製陳維冠Joe傾劇本時，已十分喜歡這個故事，而當知道有相關場口後，還馬上傳短訊給監製主動要求「加碼」：「初頭佢話放心好簡單，一個back shot上半身除衫露個背就得。但我覺得呢場戲可以拍得更深入同大膽，出嚟效果會更好。」陳瀅又強調場口並非賣弄性感，而是想展現角色Sarah的極大犧牲，以及增加故事的深層懸念，故絕對值得拍得更Iconic。
談到首度挑戰如此大膽場口，陳瀅笑言一度緊張至驚現「剝光豬驚魂」：「嗰個Shot係影我要除褲，我記得拍第一個take因為太緊張，條底褲黐實咗條褲，差啲一嘢除晒 ，嚇到Cam man哥哥勁驚，叫我慢慢嚟。」近日差不多每日都會釋出搞笑NG片的《璀璨之城》，今日亦發布了相關場口的NG片，直線證明了張智霖對每個場口的投入及認真度。事緣當陳瀅步進陳曉華與張智霖的私竇後，一味顧著扮酷及唸台詞，竟忘記了要先放下包包準備之後的除衫動作，結果要張智霖「畫外音」提醒才如夢初醒，十分搞笑。
