陳維冠監製的新劇《璀璨之城》於下星期首播，官方發布兩大女主角高海寧（高Ling）及張曦雯（Kelly）的角色人設。高Ling飾演的洪海允（Alice），任職高級檢控官，升職有望，但因為官孝賢（張智霖飾），她毅然轉跑道嫁入官家，並成了前任官孝軍（吳卓羲飾）的大嫂及孝軍太太王雪瑩的眼中釘！Alice情商智商兼備、獨立自強、膽識手段不輸男人，表面是狠角色、內裏重情重義又孝順。
張曦雯飾演的王雪瑩（Kate），性格好勝、妒忌心重、擅長觀察及人際關係拉鋸，大方得體，表面是100分的好新抱。性格辛辣的她雖然為達目的不擇手段，但唯獨對丈夫孝軍極忠心，亦因為深愛孝軍，當知道孝軍曾經深愛的Alice嫁入官家後，她即變得相當不穩定兼危險，兩妯娌的暗鬥以及官氏兩房的明爭，再加上Alice與Kate原本是閨蜜的背景設定，令劇情更具張力。
兩位女主角在劇中造型亮麗，雖同為官家少奶，但高Ling與Kelly的打扮風格各異，高Ling以黑、白、灰、卡其等素色為主，而且多為套裝類別，造型雖然偏簡約，但當中不少是貼身剪裁。Kelly的造型則偏向高貴、女性化兼多元，材料多以雪紡及絲質為主，有古董Look公主裙、飄逸花長裙、透視喱士恤衫、大露背高貴晚裝等。
高Ling為了突顯角色的硬朗感，刻意剪短、拉直及染黑頭髮，又將質感衝突的衣服配搭在一起，展現角色內心的掙扎及矛盾，她說：「因為tough之餘都想展現到女性魅力，洪海允雖然有佢自己嘅堅持，但喺豪門生存又需要柔軟。」至於首飾配件，高Ling選擇低調奢華的復古類型以突出洪海允的獨特，「洪海允好有自己嘅諗法同品味，想襯托番佢重質嘅一面。」
Kelly受訪時透露記憶中新劇造型至少30個，「因為其實差唔多每一場都穿著唔同嘅衫，今次嘅造型自己都擺咗好多Input落去，因為始終都係豪門太太啦，又要同高Ling個角色有鮮明嘅分別，所以喺顏色方面都用咗好多Pastel Colour，同埋會Girly啲，再配啲高貴啲嘅Accessories。」
更多圖輯：
