譚俊彥、黃庭鋒、郭柏妍、韋家雄、胡敏芝、何啟南、黃洛妍、廖家爵、何晉樂等今日（6日）出席劇集《麻雀樂團》宣傳活動，眾演員在台上玩電視估字遊戲時，黃庭鋒被爆鍾意郭柏妍，令全場大笑，庭鋒事後接受訪問時否認，更無懼傳緋聞，「頭先邊個爆我，我都唔記得喇，其實劇中係我單方面鍾意佢，我只係投入角色去演，我覺得佢呢個女仔好簡單，開朗及清純，真係好多優點，但我比較鍾意運動型女仔，呢方面我就未發掘到，至於你問我係咪擇偶條件，我係覺得呢個女仔幾好。（傳緋聞？）唔驚，呢啲嘢要嚟就嚟！」他表示與對方合作，有初戀感覺，「呢套劇所有感情線都係點到即止，拍攝時真係令我諗返起讀書時拍拖好純情嘅感覺，相信睇到廿五集我哋都依然發展得好純情。」
更多現場圖輯：
