《女神配對計劃2》本周日（15日）播出的一集，節目組「找數」讓勝出水上遊戲的陳若思（Amber）和陳星妤（Yvette），跟心水求愛勇者單獨約會。Yvette曾透露關經翰（Oswald）與前度撞樣，這一集進一步揭示了該名前度帶給自己的「心理陰影」：「我嗰時Ex好鍾意去玩，可能真係安全感嘅問題，我心底裏好想避免我過往同類型嘅傷害再發生。」
為免重覆犯錯，Yvette向Oswald軟硬兼施進行「靈魂拷問」，原來水上遊戲期間，Yvette直擊Oswald與梁超怡傾偈傾到笑哈哈，及Oswald曾將黑超借給超怡戴，令Yvette打翻醋罈；為了確認Oswald心意，Yvette索性將所有焦慮赤裸地向Oswald逐一攤出，並直球式發問：「但如果超怡冇走到你諗住點？」被Yvette的直白嚇至差點噴水的Oswald，最後巧用枱上的一杯水成功避開危機，還令Yvette笑住收場。
除了超怡，Yvette對於身兼健身教練的Oswald，經常有機會接觸大量女性亦感到不安全：「你有冇試過ex同你講佢好insecure about呢樣嘢？」當Oswald認真問Yvette會如何解決自己對於安全感的焦慮時，Yvette又技巧地將話題扯回超怡：「你冇咁多conversation，可能我會冇咁insecure！」令自覺吃虧的Oswald忍俊不禁。
不過Oswald亦不是省油的燈，未幾即以「不如我問番你」進行反攻，並直擊重心探索Yvette與李爾晨（Kyle）關係：「你同佢識咗十幾年，冇預過一齊咩？」、「你覺得你同Kyle係咪仲有機會一齊？」尖銳程度一度令Yvette嘟晒嘴，更啜核的是，Oswald強攻期間，不忘搵機會向Yvette 大派定心丸：「I hope I make it clear， at least（意指我對你有意思）我真係上嚟答你問題嗰吓！」事後又讚Yvette「好Brave」、「好主動」兼「有Loyalty」。
