曾主持TVB節目《3日2夜》的曾淑雅（Jumbo），前年突然宣布婚訊，同年11月誕下囝囝Kobe；去年11月Jumbo宣布離巢TVB，今年7月細女順利出世。跟哥哥一樣一出世就勁多頭髮的妹妹，愈大頭髮愈炸，十足近期翻Hit的公仔monchichi，早前妹妹順利踏入100日，Jumbo更為囡囡頭髮做紀念，來個monchichi特輯，媽咪都笑住嗌太可愛了。
Jumbo近日為4個月大囡囡做了多個第一次記錄，包括第一次一齊出街街、第一次去飲茶、第一個萬聖節等，阿女頭髮又長了不少，但都是反地心吸引力，炸頭更似monchichi。有網民好奇問：「洗完頭頭髮可以梳直落嚟嗎？」Jumbo回覆話：「係唔得㗎，吹完頭髮都係咁向上豎起」！
