今日是農曆七月初七「七夕節」，《女神配對計劃》的12位求愛勇者和踢館者，大玩「七夕放閃」。當中被熱捧為天生一對的曾展望（GM）及葉蒨文（Sophie），憑藉一組「兩小無猜」的學生CP照再度引爆關注，「逆轉神還原」台慶時Sophie為GM溫馨打煲呔的一幕。
雖然GM的帖文只是簡留言：「祝大家七夕快樂」，但他卻先後上載了幫Sophie繫蝴蝶結、甜蜜打籃球及兩小無猜包剪揼的照片，Sophie不止一張流露愛意滿滿的眼神，夠晒應節。至於同樣被睇好與羅毓儀（Yuki）配對成功的林俊其（Kris），貼上與Yuki深情對望照，甚有心思留言：「如果…2019 11.25初次遇見，20250406再次遇見，2025…」，Yuki竟留言回應：「哇！我完全唔知原來今日係七夕！」Kris即謂：「讓我來提示」，甜蜜爆燈。
堪稱《女神》「暖男擔當」的劉啟進（Matt），就上載與梁敏巧（Maggie）的「童年照拼圖」，並冧豬豬留言：「雖然遲咗禁（咁）多年先見，但係總算遠距離同你一齊翹過腳同黑過面，同埋陪你感受過一齊着校服嘅日子，七夕快樂」；但搞笑的是，Matt的肉麻心事卻換來Maggie「責難」：「你做乜偷偷地save我post story嘅小朋友相。」更神來之筆曲線甜蜜回應Matt心意：「乜咁啱嘅咩，細細個都係攞同款甫士表情，同埋用同款梳化嘅咩」。
陳衍丞（Kenneth）以「食字Gag」向李芷晴（Step）示愛：「為你『芷晴』～傾至『丞』，happy happy」；雖然有點爛，但同時又有點抵死，更激發了其他新舊求愛勇者創意，Matt：「嘩，丞總改埋歌詞添喎」、Him（林澤謙）：「『丞』個老襯從此被困。」當事人李芷晴更興奮留言：「啲歌詞笑死我。」
