張學友在紅館舉行20場《張學友60+巡迴演唱會香港終章》昨晚（23日）開鑼，學友第11度踏上紅館舞台，並創下紅館累計個人演唱會最多的歌手紀錄，合共203場。學友以一曲《留住這時光》揭開序幕，然後獻上一連串歌曲包括《我應該》、《等你等到我心痛》、《深海》等，到唱罷《我真的受傷了》，學友跟大家打招呼：「香港嘅朋友你哋好！其實我想講山頂嘅朋友你哋好，但山頂已經唔係好山頂。所以，買最前飛嘅朋友好傻，其實後面都睇到，哈哈！」學友表示在香港演出最終章，是一件溫暖的事，「只要企喺度，我就會覺得我係張學友，歡迎大家嚟到張學友60+巡迴演唱會嘅第305場。」
學友透露樂團與團隊休息了三星期，「我有個唔好嘅習慣，一休息就病，小休小病，大休大病。休息嘅第一星期，將之前嘅感冒清咗佢，之後諗住打下波，點知打完條腰就唔郁得，可能呢啲就係60+嘅問題。早幾年，我以為60歲好多優惠，但原來係65歲先有，但……過幾個月我就65歲喇！」
學友表示他的歌曲陪伴大家走了41年，感慨地說：「我唔知大家會唔會諗住今次係我最後一次開演唱會，所以無論如何都要睇咗先。我自己都覺得、懷疑、怕係最後一次。上一次我開時，都係怕、懷疑、以為係最後一次，但過幾年咪又係唱。」說罷即席表演一字馬，再輕鬆站起來，力證寶刀未老，笑說：「睇我自己起到身就知，我上次係爬起身，所以唔使驚，我重喺度。」
演唱會圖片由大會提供
更多圖輯：
