近期人氣急升的尹光與林明禎出席昂坪360的聖誕活動，二人唱「聖誕版」《我亞媽大減價》，更透露二人合作拍攝MV，共度浪漫聖誕節。
尹光近日打入叱咤10強，被問有否準備歌衫出席贏MIRROR攞獎？尹光即：「千祈唔好咁講贏人哋，我唔敢話講贏，因為入咗十強已經好開心，你話仲要贏人哋，唔敢，諗都未諗過！」
尹光爆明禎原本提議唱《小姐大減價》，但他說：「女神唔會減價，只會愈嚟愈貴！」難得開金口的明禎表示，來年如有時間或錄歌加入樂壇：「我都想同光B合作啊，不過佢好忙，唔知有冇機會再合作呢？今日我哋都會拍MV，都會有啲感情線，嚟緊聖誕節有時間再嚟玩啦，因為家姊佢地未嚟過360，而且呢度好有聖誕氣氛，其實我一早買咗年票，所以成日嚟都唔使錢。」
