宋熙年（Sarah）同陳智燊（Jason）結婚4年幾，婚後育有兩個仔仔Damon同Jamie，上個月《明周》訪問陳氏夫婦，佢哋都話因為疫情關係，多咗好多時間陪兩個寶貝仔。今日宋熙年最新嘅親子相，就係佢用雙手抱起Damon同Jamie，大騷臂力。
2歲同4個月大BB體重大概分別為13公斤同5.3公斤，而一包家庭裝白米通常都係5公斤，即係話宋熙年呢個動作等於至少拎起3包米，難怪佢隻手都現晒青筋。同時抱起兩個仔仔，除咗唔使俾人話大細超，同時仲可以練埋臂力，少啲母受都搞唔掂。
一家四口樂也融融，問到Sarah會否再追女？「我不會完全拒絕，但要考慮我們是否有多餘的時間給小朋友，現在照顧兩位小朋友都已經很掙扎，每日都很希望可以有多一點時間陪伴他們，始終細仔仍年幼，兩兄弟仍未可以一起玩，如果再生一個，我們能否有足夠時間去照顧三個？絕對是最大的問題，不是生多個就可以，生活環境及金錢同樣是考慮的因素，其實我只是剛生完細仔五個多月，可以慢慢再考慮嗎？況且我跟朋友討論過，生一個小朋友其實問題不大，但當你生兩個小朋友時，工作量不是一倍增加，而是三倍，而且今年比較特別，小朋友很少時間返學，長時間都留在家中，令父母工作時，需要兼顧小朋友的日常生活。像今年多了初生BB，頭半年一定要花很多時間去照顧他，剛巧工作上我們又多了一個新計劃，再加上要營運之前的工作，未試過如此忙碌，如照顧BB、剪片、睇片、開會等，每日都好像做不停，但不知道時間都花在哪？現在每日為工作化妝或整頭的時間，已經變成我們夫妻相處的私人時間了。」
圖片來源：宋熙年、陳智燊＠Instagram