無綫將於周日（28日）推出《女神配對計劃 金牌媒人的最後晚餐》，主持林盛斌（Bob）將在節目中與五位女神葉蒨文（Sophie）、梁敏巧（Maggie）、關嘉敏（Carman）、羅毓儀（Yuki）及李芷晴（Stephanie）邊食邊盡訴心中情。
Sophie與曾展望（GM）的成功配對最惹關注，她在節目中提及對林堡熙（Eddie）的睇法，她坦言與對方確實有很夾的地方，只是無奈地欠缺Chemistry：「我對Eddie冇GM嗰種火花。」又還強調不介意陪伴另一半奮鬥，但希望另一半是以結婚為前提與她拍拖：「我想知道佢有呢個決心，係同我以結婚為前提咁去拍拖，我唔會拍散拖，我上一段（戀情）都六年半。」而深知Sophie恨生小朋友的Step，則鼓勵Sophie要將真實想法說出口：「可能你講出嚟大家好夾都唔定…雖然有人覺得可能男仔唔想咁早結婚，但可能佢同其他人有唔同諗法哩。」
在《最後告白》中向細John（姜卓文）許下「虐心放手宣言」、令全城為之心痛的Carman，在節目中親自剖白當日的激動全因「不捨得」：「其實我唔係好捨得去放手，但係嗰刻好想逼自己放手，所以我先咁激動，長痛不如短痛。」並坦言沒有想過、自己的真人騷愛情故事會如此Dramatic，並坦言參加《女神》，令她「搵番戀愛嘅感覺」：「我冇諗過呢兩個人對我嚟講咁Drama，我冇諗過呢個真人騷我會遇到咁極端嘅兩邊。」近日盛傳她再戰《女神2》的傳聞，Carman在節目中還以謎之微笑＋皺眉作回應。
Carman談及在《最後告白》中放棄的兩位男士，先說近日與Carman已發展至見家長地步的黃家俊（Matthew），其實拍攝《最後晚餐》時，Carman依然仍未覺得Matthew是可考慮發展對象，除因怕辜負對方，還因覺得Matthew未夠了解自己：「我覺得佢所有嘢都係幾好，但我有時同佢溝通、好似同緊AI溝通咁、好唔人性。可能我同佢講心事，佢會重覆我嘅答案或者問題，我覺得咁唔係溝通緊，咁樣好似得我自己講咁，我唔能夠同唔了解我嘅人一齊。」
講到細John，Carman還是一再淚崩，並再度強調與細John有緣無份：「我有時又會好驚好似太主動會嚇親佢，我成世人未試過咁主動…我知好多人都覺得細John幾好，我都想（一齊）呀，其實我Day One都已經好主動去揀佢、其實我冇變過。」Carman還大談與細John經歷了五大階段後、終察覺大家最終不能走在一起的原因：「原來我哋係Sync到，但係佢唔Ready。」
至於節目開播初期備受抨擊的Step及Maggie，談及當時情況均忍不住淚灑飯局現場，不過Step還是很感激負評令她成長：「我都係好care網民comment嗰啲人，節目初期我哋係咁俾人話啦，真係會好take it serious，但其實你每做一樣嘢都有正反兩面，所以我透過呢個節目反而學識咗唔好所有嘢都太過擺喺心，要Chill啲，同埋真係睇到唔舒服嘅（Comment）、咪避開佢唔好睇咯。」
