無綫戀愛真人騷《女神配對計劃 最後告白》，將於今晚（14日）播出大結局，官方剛發布了第二輪搶先看宣傳照，主題圍繞GM及Sophie的最後約會——溜冰！談到選擇溜冰場，Sophie笑言全因覺得GM有過度活躍症，並甜蜜附加了一句：「其實我都有。」事後遭二人形容為「個世界好似得番我哋兩個」的這場溜冰之約，Sophie與GM玩得非常開心，不但鬥擺「Kam甫」，由於Sophie還未太能掌握平衡及重心，數度出現險些滑倒場面，令現場尖叫聲不絕於耳，亦令GS CP出現大量「粉紅泡泡擁抱」場面；GM最後索性拖實Sophie免女神跌倒，又細心為女神整理滑下的外套仔，令Sophie笑靨如花，相當甜蜜。
除了溜冰，Sophie還額外為GM準備了驚喜，就是為了留下美好回憶，Sophie在拍攝前漏夜親自剪接的「緣分Video」。片段中，Sophie將大數三個與GM的「奇妙巧合」。明顯對這份驚喜愛不釋手的GM，全程不但笑住睇，還拿出手機錄下整段片，足見他對Sophie的重視和珍惜，最後GM貫徹佻皮性格，向Sophie說：「剪片界爭你一個交代。」再度氹得Sophie眉開眼笑。
Sophie又拉着GM進行了Deep Talk，內容除了涉及與藝人息息相關的收入問題，她還主動問及比自己細五歲的GM對這段感情是否認真，「我拍拖係以結婚為前提，我唔係想拍散拖」、「你又細我五年，我都會諗吓你係咪真係好認真。」GM聞言除斬釘截鐵表達「認真的決心」，還以「如果我唔鍾意做，真係冇人逼到我做」為基底，向Sophie發表愛的宣言。
另外，Sophie還問GM假若今次是二人最後一次約會有何感受，GM聞言即報上一個謎之微笑，之後沉默良久，說不出話‥‥
