雖然Sophie明顯心繫GM，但其實她對阿Him及Eddie亦有情感牽絆，尤其Eddie的細心及遷就，更令Sophie感動又愧疚。「Eddie佢真係想了解我」、「佢係不斷俾安全感我，我都等緊GM做呢啲，我最有好感嗰個，佢一路都冇做，側邊嗰兩個人不斷俾我嘢，我就覺得對嗰兩個好愧疚。同埋咁啱三個都入咗嗰間房（心意配對遊戲最後一條問題），真係好大壓力。」梁敏巧聞言即大爆GS玩咬百力滋時，Eddie全程「望都唔夠膽望」，阿Him則是努力面對。
至於昨晚一集Ending由林盛斌拉住閨密花生團，並宣布：「你哋要將所有女神同男仔重新分配好！」閨密的回覆是：「我哋Prefer大執」、「今晚邊個同房係唔會再Stay喺佢個group㗎喇」，意味住「你儂我儂」的葉蒨文＋曾展望、林俊其＋羅毓儀、梁敏巧＋劉啟進將會被拆開。
關嘉敏（Carman）在分牀環節展現了對另一半的體貼面，再度贏盡網民正評。事緣Carman雖然對於房間只有一張牀有些驚訝，但有感黃家俊玩遊戲玩了一整天需要好好休息，即提出願意同牀意願，貼心度爆燈：「一係咁喇，你俾個睡袋我，我哋一人瞓一邊，（我）冚住（個睡袋）咯，好似安全感大啲咯。」
至於梁敏巧（Maggie）與感情與日俱增的劉啟進（Matt）同房時，不但盡訴心中情，還自揭不為人知一面。其實先是Matt看穿Maggie：「我覺得你有埲牆。」並表示「我想打破呢埲牆」，超甜蜜。
